Ärdoğan Rivlin belän Äl Aqsanı söyläşte

Törkiyä İlbaşı Räcäp Tayyip Ärdoğan Qudüs-Yerusalimdä Äl Aqsağa kerüneñ möselmannarğa tıyıluı arqasında yäşängän kiyerenkelek belän bäyle bularaq İzrail Däwlät başlığı Reuven Rivlin belän telefonnan söyläşte.

İlbaşı idaräse çığanaqlarınnan alınğan mäğlümatkä kürä, Ärdoğan söyläşü waqıtında 14nçe iyül’dä Haräm-i Şäriftä barlıqqa kilgän häm ülemgä säbäp bulğan waqiğanıñ (waqıyğanıñ) borçılu tudıruın belderde.

Bu waqiğalarnıñ (waqıyğalarnıñ) häm ülem oçraqlarınıñ qabul itelä alınmaslıq buluına basım yasawçı Ärdoğan, dini urınnarnıñ izgelegenä häm tarixi statusına xörmät kürsätelüeneñ zarurlığın xäterlätep, din häm ğibadät irege qısalarında möselmannarnın Äl Aqsa mäçetenä bernindi çikläw bulmıyça kerä aluınıñ zaruriyäten assızıqladı.

İlbaşı Ärdoğan, Haräm-i Şärifneñ böten İslam dönyası öçen möhim buluına işaräläp, kerü urınında İzrail xärbiläreneñ metall êzläwçe cihaz belän tentü ütkärüeneñ iñ qısqa waqıtta tuqtatıluı häm kiyerenkelekneñ beterelüe kiräklegen äytte.

İzrail İlbaşı Rivlin isä, çaralarnıñ iminlek maqsatlı buluın assızıqlap, Haräm-i Şärif statusında nindi dä bulsa ber üzgäreş bulmayaçağı häm dini xörriyätneñ çiklänmäyäçäge mäs’äläsendä ışandırdı.

Ärdoğan mäs’äläne Fälästin Däwlät başlığı Mahmut Abbas belän dä telefon aşa küreşep söyläşkän ide.

Ärdoğan äñgämädäşenä İzrailneñ Qudüs-Yerusalimdägeläre belän ber rättän bozu oçraqların arttıruınıñ qabul itelmäslek buluın beldergän ide.