Qatar saqlanu ministrı Törkiyägä kilä
Qatar saqlanu ministrı Halid Bin Möxämmäd äl-Atiyyä comğa könne Törkiyägä kiläçäk
761429
Qatar ministrı başqala Änkarada Törkiyä Milli saqlanu ministrı Fikri Işık belän küreşep söyläşäçäk.
Söyläşü waqıtında Qatardağı Törkiyä xärbi bazasınıñ wazğiyäte belän Farsı qultığı krizisı kiñ qolaçlı räweştä tikşereläçäk.
Törkiyä Böyek Millät Mäclese Qatarda Törkiyä xärbi bazasınıñ açıluına qağılışlı kileşüne ay başında raslağan häm uzğan atnada da bu ilgä 23 xärbi personal belän 5 çılbırlı texnika cibärelgän ide.
Soğud Ğäräbstanı äydäp barğan Farsı qultığı illäre, 5nçe iyün’dä diplomatik mönäsäbätlärne özep, sankśiya qararın qabul itkän Qatarğa taläplären yazğan 13 maddälek isemlekne uzğan atnada tapşırğan ide.
Taläplär arasında Qatardağı Törkiyä xärbi bazasınıñ yabıluı da bar ide.
