“Mäs’äläne dialog yulı belän çişü kiräk”

Törkiyä tışqı êşlär ministrı Mävlüt Çavuşoğlu räsmi säfär belän Törkiyägä kilgän Tunis tışqı êşlär ministrı Hamis äl-Cihinavi  belän küreşep söyläşkännän soñ urtaq matbuğat oçraşuı ütkärelde.

Çavuşoğlu Katar belän qayber Ğaräp illäre arasındağı krizisqa tuqtalıp , mäs’äläneñ Farsı qultığı xezmättäşlek şurası êçendä  dialog yulı belän çişelüe kiräklegen belderde.

Törkiyäneñ maqsatınıñ bu krizisnı iñ qısqa waqıtta çişü buluın beldergän Çavuşoğlu Ramazan ayında 4 ilneñ Katarğa qarata mondıy qararlar qabul itüeneñ döres bulmawına basım yasadı.

Mävlüt Çavuşoğlu Tunis belän mönäsäbätlärne üsterü öçen tırışuların da citkerde.

Çavuşoğlu xezmättäşe belän regional’ mäs’älälar xaqında söyläşülären belderde.

Tunis tışqı êşlär ministrı Hamis äl-Cihinavi Katar belän qayber Ğaräp illäre arasındağı krizis xaqında bu mäs’äläne töbäktä üzara dialog nigezendä çişü kiräklegen assızıqladı.

Äl-Cihinavi ike il arasında säwdäne üsterü öçen kiräkle adımnar xaqında da söyläşülären belderde.