Ärdoğan - Putin söyläşüe

Törkiyä ilbaşı Räcäp Tayyip Ärdoğan Ğaräp yarımutrawında Qatar mäs’äläsendäge soñğı täraqqıyätlär belän bäyle bularaq ber törkem telefon söyläşüe ütkärde.

Ärdoğan Qatar Ämire Şäyex Al Sani, Rusiyä Federaśiyase däwlät başlığı Vladimir Putin, Kuveyt Ämire Şäyex Äl Sabah häm Soğud Ğaräbstanı patşası Sälman bin Abdulaziz Al Suud belän telefonnan söyläşte.

Töbäktä tınıçlıq häm totrıqlılıqnıñ ähämiyätenä işarät itelgän söyläşülärdä barlıqqa kilgän kiyerenkelekneñ beterelüendä diplomatiya häm dialog yulın saylawnıñ ähämiyäte assızıqlanğan.

Ärdoğannıñ bu mäs’älädäge söyläşülären däwam itteräçäge belderelde.

Şul arada Törkiyä ilbaşı Vladimir Putin belän telefonda küreşte.

Kreml’dan yasalğan açıqlawda: “Liderlar Farsı qultığı töbägendä tınıçlıq häm totrıqlılıqnıñ saqlanuı öçen kileşü yaqlı qararlarnıñ qabul itelüe maqsatı belän barlıq bäyläneşle taraflarnı dialog urnaştırırğa çaqırdı,” – dip äytelgän.

Açıqlawda ayıruça ike lidernıñ Süriyädäge kiyerenkelekne azaytu töbäkläreneñ barlıqqa kiterelüenä qarağan urtaq tırışlıqlarnı däwam itterü mäs’äläsendä kileşüläre citkerelde.