Törkiyä Londondağı terror höcümen gäyepläde

Berläşkän Patşalıqqa terrorçılıq belän köräştä yaqlaw yullaması citkerep, höcüm köçle räweştä gäyeplände.

Törkiyä reakśiyasın Tışqı êşlär ministrlığınnan yasalğan yazma belderü belän kürsätte.

Belderüdä: “Qabaxätçä yasalğan bu höcümnärne iñ köçle süzlär belän gäyeplibez. Şuşı awır könendä teläktäşlek êçendä bulğan dus Berläşkän Patşalıq xalqınıñ qayğısın urtaqlaşabız”, - dip äytelde.

Belderüdä ayıruça: "Oxşaş höcümnärgä küp tapqır duçar bulğan Törkiyä häm törek xalqı Berläşkän Patşalıq xalqınıñ qayğısın añlıy häm urtaqlaşa. Bügengä çaqlı bulğanı kebek terrorçılıq belän köräştä Berläşkän Patşalıqqa härtörle yaqlawnı kürsätergä däwam itäçäkbez,” – dip assızıqlandı.

Törkiyä Tışqı êşlär ministrı Mäwlüt Çavuşoğlu da soşial’ media aşa höcümgä reakśiyasın belderde.

Çavuşoğlu: "Bağdat, Qabul häm xäzer inde London. Qayda ğına bulmasın, terrornı läğnätlibez. Urtaq köräş belän terrorçılıqnı ciñäçäkbez”, - dip äytte.

Höcümgä Törkiyäneñ Awrupa Berlegennän cawaplı ministrı häm baş söyläşüçe Ömär Çälik häm Milli saqlanu ministrı Fikri Işık ta sośial’ media aşa reakśiya kürsätte.

Çälik: "Londondağı wäxşi terror höcümen köçle räweştä gäyeplibez. Berleşkän Patşalıq xalqınıñ qayğısın urtaqlaşabız”, - dip äytte.

Çälik ayıruça: “Terrorçılıq belän köräş öçen ideologik tamırların da üz êçenä alğan ike standartsız totış nigezendä teläktäşlek buluı” zarurlığın belderde.

Milli saqlanu ministrı Fikri Işık isä höcüm belän bäyle yullamasında: "Terrorçılıqnıñ maqsatı böten keşelekter. Terrorçılıqnı xalıqara köräş belän ciñä alabız. Londondağı terror höcümnären läğnätlibez”, - dip äytte.