İlbaşı Ärdoğan Bel’giyädä oçraşular ütkärä

İlbaşı Ärdoğan "NATO däwlät häm xökümät başlıqları cıyılışı”nda qatnaşu öçen kitkän Bryussel’dä NATO programması häm yuğarı däräcäle oçraşu qısalarında ike yaqlı söyläşülär ütkärä.

Bu qısada İlbaşı Ärdoğan qalğan qunaqxanädä Franśiya Däwlät başlığı Emmanuel Makron belän küreşte.

45 minut däwam itkän häm matbuğatqa yabıq kileş ütkärelgän söyläşüdä Tışqı êşlär ministrı Mäwlüt Çavuşoğlu da qatnaştı.

Ärdoğan Törkiyä-Awrupa Berlege mönäsäbätläre qısalarında da söyläşülär ütkärä.

İlbaşı Awrupa Berlege şurası başlığı Donal’d Tusk, Komissiya başlığı Jan-Klod Yunker  häm Awrupa parlamentı başlığı Antonio Tayani belän ayırım ayırım küreşep söyläşäçäk.

Soñınnan “NATO”nıñ yaña ştab binasına baraçaq Ärdoğan däwlät häm xökümät başlıqları xörmätenä oyıştırılaçaq qabul itü kiçäsendä qatnaşaçaq.

Kiçädän soñ Ärdoğannıñ ike yaqlı söyläşüläre däwam itäçäk.

Başta Böyek Britan prem'yer-ministrı Theresa May belän küreşep söyläşäçäk İlbaşı Ärdoğan soñınnan Germaniya Kanślerı Angela Merkelne qabul itäçäk.

Yuğarı däräcäle oçraşuda qatnaşqan liderler kiçke aş mäclesendä dä cıyılaçaq.

Ärdoğannıñ Bryussel’däge oçraşuların tämamlağannan soñ İstanbulğa qaytuı kötelä.