Prem’yer - ministr Gruziyağa kitä
Binali Yıldırım Törkiyä – Gruziya yuğarı däräcäle strategik xezmättäşlek şurasınıň ikençe cıyılışında qatnaşaçaq
736544
Törkiyä prem’yer-ministrı Binali Yıldırım Törkiyä – Gruziya yuğarı däräcäle strategik xezmättäşlek şurasınıň ikençe cıyılışında qatnaşu öçen 22 nçe mayda Gruziyağa kitä.
Cıyılışta 2016 nçı yılnıň 19 nçı iyülendä Änkarada ütkärelgän berençe Törkiyä – Gruziya yuğarı däräcäle strategik xezmättäşlek şurası cıyılışında qabul itelgän qararlar belän bäyle ğamälgä kertülär küzdän kiçereläçäk.
Şulay uq yaňa xezmättäşlek mömkinlekläre häm regional’ mäs’älälär söyläşeläçäk.
Cıyılış qısasında ike yaqlı xezmättäşlekne nığıtaçaq dokumentlarğa imza salınaçaq.
Törkiya prem’yer – ministrı 2 könlek säfär qısasında Gruziya ilbaşı Giorgi Margvelasvili häm törek êşmäkärläre belän dä küreşep söyläşäçäk.