“Germaniyanıñ yünäleşen Törkiyä Cömhüriyätenä taba üzgärtüe zarur”

 Törkiyä prem’yer-ministrı Binali Yıldırım Germaniyanıñ Törkiyä belän mönäsäbätlären yaxşırtırğa teli ikän yünäleşen Törkiyä Cömhüriyätenä taba üzgärtüe kiräklegen belderde.

Yıldırım bu xaqta “Ğadälät häm qalqınu” partiyäseneñ Törkiyä Böyek Millät Mäclesendäge atnalıq çirattağı cıyılışında yasağan çığışında citkerde.

Üz çığışında Törkiyä – Germaniya mönäsäbätlärenä tuqtalğan prem’yer-ministr Germaniyanıñ 15 iyül’däge tüntäreleş kereşüendä qatnaşqan “Fätullahçı terror oyışması”(FETÖ) äğ’zalarına sıyınu xoquqı birüen xäterlätte.

Binali Yıldırım moña qırıs reakśiya belderep “Germaniya Törkiyä belän mönäsäbätlären yaxşırtırğa, üsterergä, tarixi duslıq bäyläneşlären nığıtırğa teli ikän yünäleşen “FETÖ”çılarğa tügel, Törkiya Cömhüriyätenä yünältergä tiyeş”dide.