Törkiyä konsullığına höcüm
Ŝürihtağı baş konsullık binası yaqınça 100 keşelek törkemneñ höcümenä duçar qaldı
Awrupada töreklärgä qarata höcümnärneñ soñğı ürnäge Şveyśariyada kürelde.Törkiyäneñ Ŝürihtağı baş konsullığı binası yaqınça 100 keşelek törkemneñ höcümenä duçar qaldı.
1nçe may êşçelär bayrämen forsat itep kürgän bitlek kigän bilgesez keşelärdän toruçı törkem konsullık binasına buyawlar ırğıttı.
Bina zıyan kürde.
Irğıtılğan buyawlarnıñ tösläre höcümçelärneñ separatist PKK terror oyışması tarafdarları buluları şöbhäsen arttırdı.
Bitlekle höcümçelär Törkiyä ilbaşı Räcäp Tayyip Ärdoğannı maqsat itep alıp, yaqındağı avtobus tuqtalışı häm qarşı yaqtağı binağa qızıl buyawlar belän “Kill Ärdoğan”, yägni “Ärdoğannı üteregez” dip yazğan.
Östämä poliśiya köçläre kilgänçe bina saqlawsız qaldı.
Baş konsullık binasında 1nçe may bäyräme uñayınnan iminlek köçlärennän tış berkemdä yuq ide.
Baş konsul Asiyä Nurcan İpäkçi Anadolu agentlığı xäbärçesenä yasağan açıqlawında: “Waqiğa barlıqqa kilgännän soñ poliśiya kilep citte häm xäzer kiräkle tikşerü alıp barabız,” – dide.
Poliśiyaneñ kiräkle çaralarnı kürüen häm üzläre belän xezmättäşlek êçendä buluların assızıqlağan İpäkçi: “Xäzerge wazğiyät yaxşı. Qurqırğa kiräk tügel,” – dide.
