Törkiyä tışqı êşlär ministrı Mävlüt Çavuşoğlu Üzbäkstanda oçraşularda qatnaşa.

Çavuşoğlu berençe bulıp Taşkentta törek häm üzbäk êşmäkärlär belän küreşte.

Oçraşuda ike il arasındağı säwdä külämen arttıru öçen êşmäkärlärneň fikerläre tıňlandı.

Törkiyä tışqı êşlär ministrı säfäreneň ikençe könendä Üzbäkstandağı xezmättäşe Abdülaziz Kamilov belän küreşep söyläşte.

Annan soň urtaq matbuğat oçraşuı ütkärelde.

Çavuşoğlu biredä säyäsät, iqtisad, turizm berençe çiratta bulu belän bergä här tarmaqta xezmättäşlek mäs’älälären qarawların belderde.

Tışqı êşlär ministrı ilbaşlarınıň bıyılğı yuğarı däräcäle oçraşuı belän mönäsäbätlärne üsterü yulında möhim adım yasalaçağın da assızıqladı.

Çavuşoğlu Üzbäkstan säfäre qısasında senat başlığınıň berençe urınbasarı Sadık Safayev häm ilbaşı Şäwkät Mirziyayev belän dä küreşep söyläşäçäk.

Säfär soňğı däwerdä tizlek qazanğan Törkiyä – Üzbäkstan mönäsäbatläre cähätennän zur ähämiyätkä iyä.