"Naśizm haman da bar"

Törkiyä ilbaşı Räcäp Tayyip Ärdoğan betüen uylağan naśizmnıñ Germaniyada haman da däwam itüen äytte.

İstanbulda oyıştırılğan Tokatlılar kiçäsendä çığış yasağan ilbaşı Ärdoğan Germaniyaneñ törek ministrlarınıñ cıyılış uzdıruına röxsät birmäwen tağın ber tapqır tänqitläde.

Ärdoğan: “Min teläsäm, anda barırmın, ilgä kertmäsägez yäisä çığış yasarğa röxsät birmäsägez, bar dönyanı ayagürä kütärermen,” – dide.

Alman citäkçelegen dä tänqitlägän Törkiyä ilbaşı tübändägeçä citkerde: “Demokratiyağa ışanuçı dönyağa möräcäğat itäm, ägär dä azatlıq öçen köräşäbez ikän, ägär dä fiker iregennän tınıçsız bulmasaq, ägär dä demokratiyağa ışanabız ikän bezneñ yulıbızğa berkem dä kirtä quya almas.”

Terror oyışması äğzaläreneñ kampaniya öçen telägän urınnarnı qullana aluın, Törkiyädä poçmaqqa qıstırılğan terror oyışması citäkçelärenä saraylarda medal’neñ birelüen açıqlağan Ärdoğan mondıy ğadel bulmağan häm xaqsız totışnı qabul itüneñ mömkin bulmawın assızıqladı.

Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüenä dä tuqtalğan Ärdoğan xainnärneñ xökemgä tartıluın belderep, FETÖ terror oyışması belän köräşneñ Törkiyä Cömhüriyäte däwläte soñğı yıllarda quyğan iñ awır häm iñ möhim köräş buluına işarät itte.

Törkiyä ilbaşı Awrupa şähärläreneñ yıllar buyı Törkiyädän qaçqan qulı qanğa buyalğan terrorçılarnı niçek itep qabul itüen küzätep baruların da citkerde.

Ärdoğan ülem cäzası mäs’äläsendä isä qararnıñ Törkiyä Böyek Millät Mäclesendä çıqqan oçraqta üzeneñ dä raslayaçağın äytte.