Ärdoğan: “Milli mädäniyät üzañına ixtıyacıbız bar”

İstanbulda oyıştırılğan 3nçe Milli mädäniyät şurasında çığış yasawçı İlbaşı Ärdoğan: "Şivilizaśiyäbezdän qupsaq bar närsäbezne yuğaltırbız, mädäniyätebezne yuğaltsaq, yuqqa çığarbız”, - dip äytte.

Könlek tökänderelgän êşlär belän mädäniyätneñ salına alınmawına basım yasawçı Ärdoğan: “Daimi qaluçı häm ozaq möddätle êşlärgä iğtibar itärgä tiyeş bez, bigräk tä yäş’lärebezne çın sänğätne häm mädäniyätne öyränergä täşviq itärgä tiyeş bez. Minem säyäsättäge täcribäm şunı kürsätä. Mädäniyätneñ här ölkäsendä berekmäbezne saqlap qalaçaq qimmätlärebezne yäşätäçäk êşçänlekne alğa planğa çığarırğa häm yaqlarğa tiyeş bez”, - dip äytte.

Uzğan 14 yılda mädäniyät ölkäsendä bik möhim êşlärneñ başqarıluına da iğtibarnı yünältüçe Ärdoğan: "Mäsälän, ministrlıqqa turıdan-turı bäyle muzey sanı 93tän 198gä, muzeyğa häm xäräbälär urınına kilüçelärneñ sanı 7,4 millionnan 17,3 millionğa citte. Yärdäm kürsätelgän şäxsi teatr sanı 59dan 216ğa, kinoğa kürsätelgän yärdäm miqdarı da 6 million dollardan 176 million dollarğa arttı. İlebezdäge kino qarawçılar 23,5 millionnan 58 millionnan kübräk sanğa citsä, bigräk tä cirle fil’mnar 31 million tamaşaçı belän tarixıbıznıñ iñ yuğarı tamaşaçı potenśialına ireşte”, - dip bäyäläw yasadı.

"Milli mädäniyät üzañına ixtıyacıbız bar. Şunı onıtmağız: säyäsi xakimiyät saylaw belän bulırğa mömkin, ämma mädäniyät xakimiyäte öçen tağın da üzgä berekmägä, xezmätkä, êşläwgä, mañğay tiren tügügä ixtıyacıbız bar”, - dip äytüçe İlbaşı Ärdoğan:

"Mädäni çitläşügä häm mädäni imperializmğa qarşı cirle häm milli mädäniyät qimmätlärebezne global’ tel belän yañadan açışın yasarğa, yañadan salırğa kiräk. Mädäniyät uñışınıñ cirle häm milli buluı – anıñ mäğnäseneñ häm yullamasınıñ global’ buluına hiç tä kirtä tügel”, - dip belderde.