Müftüoğlu: “İrannan konstruktiv adımnar kötäbez”

Törkiyä, İrannıñ töbäktäge krizislar arqasında ilgä sıyınğan keşelärne dä xätta suğış qırına êtärüdän taypılmawın belderep, töbäktäge kiyerenkelektän häm totrıqsızlıqtan başqalarnı cawaplı totuınıñ qabul itelmäslek buluına iğtibarnı yünältte.

İran tışqı êşlär ministrlığı süzçese Bähram Qasımineñ: “Törkiyä mäs’äläsendä sabırlı xäräkät itäbez, läkin sabırıbıznıñ da çige bar”, - dip äytkän süzlärenä Törkiyä tışqı êşlär ministrlığı süzçese tulı wäqalätle ilçe Xösäyen Müftüoğlu cawap birde.

Müftüoğlu: "İran tışqı êşlär ministrlığı süzçese Qasımineñ ileneñ töbäk säyäsätläreneñ täqdir itelüe häm ğadel dip tabıluı yünäleşendäge süzläre isä – Berläşkän Millätlär Oyışması häm İslam xezmättäşlek oyışması kebek xalıqara platformalarda bu il xaqında tığız räweştä telgä alınğan borçılu häm şiqayätlär aldında zur qapma-qarşılıq täşkil itä”, - dip bäyäläw yasadı.

Müftüoğlu: "İrannıñ üzenä qarata tänqitläwlärne telgä alğan illärne gäyepläw urınına konstruktiv adımnar yasawı häm töbäk säyäsäten küzdän kiçerüe kötelä”, - dip belderde.