Törkiyä Paqıstandağı höcümne ğayepläde

Paqıstannıñ kön’yağındağı Sind vilayätendä törbägä oyıştırılğan intixar höcümendä kim digändä 70 keşeneñ ğomere özelgän, 150 keşe yaralanğan.

Höcümneñ cawaplılığın “DEAŞ” terror oyışması üz östenä alğan.

Törkiyä älege höcümne kisken räweştä ğayepläde.

Tışqı êşlär ministrlığınıñ bu xaqtağı yazma belderüendä terror höcümendä küp sanda keşeneñ ğomere özelüe häm yaralanuınıñ borcu tudıruı belderelde.

Belderüdä tübändäge yullar urın aldı:”Paqıstannıñ totrıqlılığın maqsat itep alğan terror höcümen ğayeplibez, höcümdä hälaq buluçılarğa Allahtan yarlıqaw, yaralanğan keşelärgä şifalar telibez. Paqıstan xökümäte häm xalqınıñ qayğısın urtaqlaşabız”.

Belderüdä terrorğa qarşı köräştä Törkiyäneñ Paqıstanğa yaqlaw kürsätüeneñ däwam itäçäge dä assızıqlandı.