Qatar belän xärbi häm saqlanu sänäğätendä xezmättäşlek

Başqala Dohada Qatar ênergetika häm sänäğät ministrı Möxämmäd Al Sada häm Qatarnıñ Änkara tulı wäqalätle ilçese Salim Möbaräk Al Şafi, Törkiyäneñ Doha tulı wäqalätle ilçese Äxmät Dämirok belän ilçelek räsmiläre qarşı alğan İlbaşı Ärdoğan Qatar êlekke Ämire Şäyex Hamad Bin Halifä Al Sani belän küreşep söyläşte.

İlbaşı Ärdoğan çärşämbe könne Qatar Ämire Şäyex Tämim bin Hamad Al-Sani  tarafınnan räsmi tantana belän qarşı alındı.

Tantanadan soñ qara-qarşı häm wäkilleklärara söyläşülär uzdırıldı.

Soñğı ike yılda Törkiyä häm Qatar arasında törle ölkälärdä 30dan kübräk kileşü imzalandı.

Bu säfär waqıtında isä ayıruça xärbi ölkädä xezmättäşlek, saqlanu sänäğäte häm kapital saluınıñ arttırıluı kebek strategik mäs’älälär quzğatıldı.

Monnan tış Süriyä häm Ğiraq belän bergä regional’ mäs’älälärgä dä tuqtalıp uzıldı.

Räsmi säyäxät Qatar Ämire Şäyex Äl Sanineñ İlbaşı Räcäp Tayyip Ärdoğan xörmätenä oyıştırğan aş mäclese belän tämamlandı.

Törkiyä İlbaşı oçraşudan soñ Qatardan kitte.