Törkiyä ilbaşı Riyadta

Törkiytä ilbaşı Ärdoğan Farsı qultığı illäre säfäreneñ ikençe tuqtalışı bulğan Soğud Ğaräbstanında.

Törkiyä ilbaşı Baxreyndağı söyläşülären tämamlap, düşämbe könne Soğud Ğaräbstanı başqalası Riyadka kitte.

Ärdoğannı Soğud Ğaräbstanı patşası Sälman bin Abdülaziz hawa mäydanında qarşı aldı.

Qarşı alu tantanasında Riyad Ämire häm tulı wäqalätle ilçelek personalı da qatnaştı.

Ärdoğan täxet warisı, prinś Möxämmäd bin Naifne kiçke säğatlärdä qabul itte.

Sişämbe könne berençe itep täxet warisı wäkile Möxämmäd bin Sälmannı qabul itkän Ärdoğan öçen räsmi qarşı alu tantanası oyıştırıldı.

Tantanadan soñ patşa Sälman bin Abdülaziz tarafınnan Ärdoğan xörmätenä töşke aş mäclese ütkärelde.

Soñınnan wäkilleklärara söyläşü uzdı.

İke il arasındağı mönäsäbätlärgä tizlekneñ östälüe kötelgän säfärdä regional’ häm xalıqara täraqqıyätlär dä qaraldı.

Xärbi, iqtisad häm ênergetika ölkälärendäge xezmättäşlekneñ tağın da arttırıluı maqsat itelä.

Törkiyä ilbaşı Ärdoğan Soğud Ğaräbstanı säfärennän soñ Qatarğa baraçaq.