Terror oyışmalarına operaśiyälär däwam itä
Soñğı 1 atnada “PKK” separatist terror oyışması äğzası bulğan 26 terrorçı täêsirsez xälgä kiterelde
Törkiyä êçke êşlär ministrlığı soñğı 1 atnada terror oyışmalarına yünälgän operaśiyälärdä “PKK” separatist terror oyışması äğzası bulğan 26 terrorçınıñ täêsirsez xälgä kiterelüen belderde.
Êçke êşlär ministrlığı beldergänçä, iminlek, jandarmeriya häm Törek Qorallı Köçläre ”PKK/KCK”ğa 274 operaśiya oyıştırdı.
Soñğı 1 atna êçendä separatist terror oyışmasına yärdäm itüe bilgelängän 342 keşe qulğa alındı.
Alardan 34 e saq astına alındı.
Operaśiyälärdä terror oyışmasınıñ küp sanda sıyınu urınnarı yuqqa çığarıldı häm qoralları qulğa töşerelde.
”Fätullahçı terror oyışması/parallel’ däwlät qorılışı” na qarşı köräş qısasında 475 keşe qulğa alındı.
116 keşene saq astına alu qararı qabul itelde.
“DEAŞ” terror oyışması belän bäyläneşe buluı bilgelänep qulğa alınğan 147 keşedän 25e saq astına alındı.
