"Rusiyä belän yaqın xezmättäşlekneñ faydasın kürdek"

Törkiyä tışqı êşlär ministrı Mäwlüt Çavuşoğlu Rusiyä belän yaqın xezmättäşlekneñ faydasın kürgännären söyläde.

İke ilneñ kileşä almağan  mäsälälärneñ  bar buluın assızıqlağan Çavuşoğlu:

“Rusiyä belän xezmättäşlegen üsterep Süriyädä säyäsi üzgäreşeneñ täêmin itelüen telibez”,-süzlärne qullandı.

Törkiyä tışqı êşlär ministrı Mäwlüt Çavuşoğlu Antaliya jurnalistlar cämğiyäteneñ matbuğat büläklärne täqdim itü tantanasında kön tärtibe belän bäyle açıqlawlar yasadı.

Rusiyäneñ Änkara tulı wäqalätle ilçese Andrey Karlovnıñ höcüm näticäsendä wafat buluınıñ ike il arasındağı mönäsäbätlärne bozmayaçağın assızıqlağan Çavuşoğlu:

“Rusiyä belän mönäsäbätlärebezne qabat bozarqa telädelär. Änkara tulı wäqalätle ilçese Andrey Karlov ber terror höcüme näticäsendä,  bik qızğanıç, xäläq buldı. Üzen iñ yaxşı räweştä ilebezdä ozatıp bardıq, iñ yaxşı räweştä Mäskäwdä Rusiyä tışqı êşläre ministrı belän qarşı aldıq. Xörmätle Rusiyä däwlät başlığı Vladimir Putinnıñ dä söylägäne kebek bu waqığanıñ arqasında närsä bulğanın bik yaxşı beläbez. İnşallah qısqa waqıt êçenda  här yağı yaqtırtılır. Soraw da alırbız. Putinnıñ äytüençä, Ärdoğannıñ da äytüe buyınça – bu waqığa mönäsäbätlärebezne boza almıy”, dide.

“Rusiyä belän kileşä almağan mäsälälärebez bar”,digän Çavuşoğlu Süriyädä säyäsi üzgäreşneñ ähämiyätenä basım yasadı.

Bu barışta Rusiyä belän yaqın xezmättäşlekneñ faydasın Könçığış Xälebtän 45 meñ keşeneñ böten awırlıqlarğa qaramastan küçerelüdä kürgännärenä işarät itkän Çavuşoğlu:

“Rusiyä belän bulğan bu xezmättäşlegebez böten Süriyägä cäyep ut tuqtatu kileşüen täêmin itelüe, söyläşülär belän säyäsi üzgäreşeneñ täêmin itelüen telibez. Andağı mäsälälär bezne dä täêsirliy”,dip söyläşte.