"İlçegä höcüm - Törkiyä – Rusiya mönäsäbätlären bozuğa yünälgän provokaśiya”

Törkiyä ilbaşı Räcäp Tayyip Ärdoğan Rusiya Federaśiyäseneñ Änkaradağı tulı wäqalätle ilçese Andrey Karlovqa oyıştırılğan höcümne ğayepläwen belderep “Bu waqiğa Törkiyä – Rusiya mönäsäbätlären bozuğa yünälgän provokaśiya”dide.

Waqiğa xaqında Rusiya Federaśiyäse däwlät başlığı Vladimir Putin belän söyläşülären beldergän Ärdoğan Rusiya xalqınıñ qayğısın urtaqlaştı.

Ärdoğan Putin belän söyläşüdä waqiğanıñ provokaśiya bulu turında ber ük fikerdä buluların häm xalıqara terrorçılıqqa qarşı tayanışunı arttıru mäs’äläsendä kileşülären belderde.

Rusiya tulı wäqalätle ilçeseneñ üterelüen näfrätlä ğayepläwen beldergän Ärdoğan Karlovnıñ diplomatlar arasında ayırım ber urını buluına basım yasadı.
 

İlbaşı Ärdoğan höcümne törek xalqına häm däwlätenä yasalğan höcüm bularaq bäyäläwlären citkerde.

Törkiyä ilbaşı Karlovnıñ cenazasınıñ Rusiyädän kiläçäk oçqıç belän ilenä cibäreläçägen häm urtaq tikşerü komissiyäse tözeläçägen belderde.   

Ärdoğan ike il xalqınıñ da qayğısın urtaqlaştı.