Kayseridağı xain höcümgä reakśiyälär

Küp sanda säyäsätçe Kayseridağı terror höcüme belän bäyle sośial’ media aşa belderü yasadı.  

Prem’yer-ministr urınbasarı Nurettin Canikli Törkiyäneñ terrorğa häm aña yaqlaw kürsätüçelärgä milli bergälek ruxı belän cawap qaytaraçağın belderde.

Törkiyä tışqı êşlär ministrı Mävlüt Çavuşoğlu da höcümgä reakśiya belderep ,il tınıçlığın bozuçılarnıñ qanda buılaçaqların ,üz tozaqlarına üzläre töşäçägen citkerde.

Milli saqlanu ministrı Fikri Işık  terrorğa qarşı milli mobilizaśiya belän köräşäçäklären assızıqladı.

Azıq-tölek häm terlekçelek ministrı Faruk Çälik tä Kayseridağı terror höcümen läğnätläde.

Qalqınu ministrı Lütfi Êlvan “Keşelegen yuğaltqan bu terrorçılarğa iñ qısqa waqıtta tiyeşle cawap bireläçäk. Alarnıñ artındağı qarañğı köçlär dä monnan üz nasıybın alaçaq”dip belderde.

Kayserida atna azağında yal itärgä çıqqan ğaskärilär avtobusın maqsat itep alğan höcümnän soñ ğomum ştab başlığı Hulusi Akar da belderü yasadı.

Ğomum ştab başlığı 13 ğaskäri şähit bulğan 55 ğaskäri yaralanğan bombalı terror höcümennän soñ yasağan belderüendä Törkiyädä häm çit illardä terrorçılıqqa qarşı köräşneñ qatği räweştä däwam itäçägen assızıqladı.