Höcümgä protest belderelä

İstanbulda şimbä kiçen 44 keşeneñ ğomere özelgän terror höcümenä reakśiyalär kilergä däwam itä.

Törkiyädä häm Tönyaq Kipr Törek Cömhüriyätendä yöreşlär oyıştırılğan, terrorçılıq lägnätlände.

İstanbulda watandaşlar höcüm barlıqqa kilgän urınğa barıp, terrorçılıqnı protest itte, berlek, berdämlek yullamaların yasadı.

Törle sport taqımnarı canatarları höcüm oyıştırılğan Vodafon Arena stadionına taba yörede.

Bombalı terror höcümnären protest itkän meñnärçä canatar şartlaw barlıqqa kilgän urınğa känäfer çäçäklären quydı.

Taksiçılar häm marşrutka yörtüçeläre Bäşiktaştağı xain terror höcümen protest itte.

Törkiyä bayraqların kütärep, maşinalarına utırıp, Şähitlär qalqulığına barğan taksiçılar başta Törkiyä gimnın uqıdı, soñınnan Qor’än-i Kärim uqıp, doğa itte.

İstanbuldağı terror höcüme Tönyaq Kipr Törek Cömhüriyätendä dä protest itelgän.

Tönyaq Kipr Törek Cömhüriyäte İniśiativası äğzaläre Lefkoşadağı Şähitlär häykälendä terror höcümendä yaqtı dönyadan kitüçelär öçen iskä alu çarası oyıştırılğan.