Törkiyä Greśiyağa qırıs reakśiya kürsätte

Törkiyä Greśiyanıñ Fätullahçı terror oyışmasınıñ  parallel däwlät qorılışınıñ (FETÖ/PDY) 15 nçe iyul tüntäreleş kereşüennän soñ üzlärenä sıyınğan tüntäreleşçelärne kire qaytarmaw mäsäläsenä qırıs reakśiya kürsätte.

Törkiyä tışqı êşläre ministrlığı süzçese tulı wäkalätle ilçe Hüseyin Müftüoğlu mäsälä belän bäyle yasağan açıqlawda:

“3 qaçqınnıñ kire qaytarıluı  qabul itelgändä, 5 qaçqınnıñ kire cibärelü taläpläreneñ Afina Yuğarı mäxkämäse tarafınnan kire qağıluın añlıy almıybez”,dide.

Greśiyağa qaçqan 8 keşenen Törkiyäge kire qaytarıluı belän bäyle barışının bik yaqınnan küzätep barğanın beldergän Müftüoğlu:

“Greśiyadan iñ töp ömetebez-tüntäreleşçelärne ilebezgä kire qaytarıluı” şäkelendä söyläşte.

Törkiyä tışqı êşlär ministrı Mäwlüt Çavuşoğlu NATO tışqı êşläre ministrları ciyılışında qatnaşu öçen kitkän Bryusseldä çärşämbe könne jurnalistlarnıñ mäsäläläre buyınça Greśiyağa qaçqan tüntäreleşçe ğäskärilärneñ Törkiyägä kire qaytaru belän bäyle açıqlawlar yasağan ide.

Törkiyä belän Greśiya arasındağı kileşülärneñ ba buluına işarät itkän Çavuşoğlu:

“Xoquq urtada. Bez berqayçan da “Xoquqnıñ tışına çığıq” dip äytmibez. Ämma kileşülär xoquq, xalıqara bilgeläwlär  urtada”şäkelendä söyläşkän ide.