İlbaşı Qazaqstanğa säfär yasıy

 Törkiyä ilbaşı Räcäp Tayyip Ärdoğan 11 nçe dekabr’dä Nursoltan Nazarbayevnıñ çaqıruı buyınça Qazaqstanğa kitä.

İlbaşı idaräseneñ matbuğat üzäge beldergänçä, Ärdoğan 2 könlek säfär qısasında Qazaqstan ilbaşı Nursoltan Nazarbayev belän üzara  häm wäkilleklär arası söyläşülär ütkäräçäk.

Söyläşülärdä ike yaqlı mönäsäbätlär, regional’ mäs’älälär belän bergä  2017 nçe yılda ike ilneñ ilbaşları  räislegendä Törkiyädä ütkärü küzdä totılğan Törkiyä – Qazaqstan yuğarı däräcäle strategik xezmättäşlek şurasınıñ 3 nçe cıyılışına äzerleklär dä qaralaçaq.