Ärdoğan belän Putin telefonda söyläşte

Törkiyä däwlät başlığı Räcäp Tayyip  Ärdoğan belän Rusiyä däwlät başlığı Vladimir Putin telefonda söyläşep ike yaqlı mönäsäbätläre beläñ bergä Süriyä  mäsäläse  kebek regional mäsälälärne söyläştelär.

24nçe avgust könendä Süriyäneñ tönyağın terrorçılıqtan arındıru öçen Törkiyäneñ citäkçelegendä başlatılğan Färat Qalqanı xäräkäte qısasında Äl Bab töbägendä alıp barılğan operaśiyädä  törek ğäskärilärneñ maqsat itep alğan höcüme belän bäyle qaraş häm mäğlümat almaşuın yasağan Ärdoğan häm Putin Haläptäge humanitar kriziskä çişeleş  êzläw tırışlıqlarnı tizländerü mäsäläsendä kileştelär.

Färat Qalqanı operaśiyäneñ Törkiyäneñ terror belän köräş mäsäläsendäge täwäkkäl totışınıñ kürsätkeç buluın asszızıqlağan Däwlät başlığı Ärdoğan, Süriyäneñ cir bötenlegen xuplağannarın dä belderde.

Söyläşüdä ike lider Törkiyä-Rusiyä mönäsäbätläreneñ cayğı salınu barışın xuplağannarın citkerde.

Mönäsäbätlärne här ölkädä  tağın da nıq buluınıñ ähämiyätenä basım yasağan ike lider, bu qısada Törkiyä Premyer-ministrı Binali Yıldırımnıñ 6nçe dekabr könendä Mäskäwgä yasayaçaq säfärgä häm 2017nçe yılnıñ berençe yartısında  ütkäreläçäk Törkiyä- Rusiyä  Yuğarı Däräcäle xezmättäşlek şurasınıñ ciyılışı ÜDİKkä dä qağılıp kitte.