Törkiyä ilbaşı Räcäp Tayyip Ärdoğan “Fätullahçı terror oyışması” citäkçese Fätullah Gülänneñ haman da Amerika Quşma Ştatlarında qaluınıñ böten Törkiyä xalqın tınıçsız itüen belderde.  

Amerikan “CBS” kanalınıñ “60 minut” tapşıruına inter’vyu birüçe ilbaşı Törkiyä – Amerika mönäsäbätläre, “Fätullahçı terror oyışması/parallel’ däwlät qorılışı”nıñ 15 nçe iyül’däge tüntäreleş kereşüe, Süriyä probleması kebek möhim mäs’älälärgä tuqtaldı.

Amerikanıñ soñğı däwerdäge qayber säyäsätlärennän küñele qaytuın belderüçe ilbaşı Ärdoğan AQŞnıñ yaña ilbaşı bulıp saylanğan Donal’d Tramp citäkçelege belän bäyle fikerlären dä citkerde.

Törkiyädä tüntäreleş kereşüe başqarğan Fätullah Gülänneñ AQŞta bernindi tikşerü kiçermiçä tınıçlap yäşäwen däwam itterüe säbäbe belän il citäkçelegen tänqitläğän Ärdoğan Gilänneñ haman da AQŞta qaluınıñ törek xalqın tınıçsız itüenä basım yasadı.

Süriyä belän bäyle mäs’älälärne AQŞ ilbaşı Obamağa häm viśe – prezident Djo Baydenğa citkerülären beldergän Ärdoğan alarnıñ bu  problemalarğa citdi räweştä qarawda uñışqa ireşä almawların häm monnan tınıçsız buluların assızıqladı.

Älege tapşıru 21 nçe noyabr’dä Törkiyä waqıtı belän 3 säğät 30 minutta kürsäteläçäk.