İlbaşı Paqıstan häm Üzbäkstanğa säfär yasıy
Ärdoğan 16-17 nçe noyabr’ könnärendä Paqıstanğa, 17-18 noyabr’ könnärendä Üzbäkstanğa säfär qıla
Törkiyä ilbaşı Räcäp Tayyip Ärdoğan 16-17 nçe noyabr’ könnärendä Paqıstanğa, 17-18 noyabr’ könnärendä Üzbäkstanğa säfär yasayaçaq.
İlbaşı idaräseneñ matbuğat üzäge beldergänçä ,Ärdoğan Paqıstan säfärendä ilbaşı Mämnun Xösäyen häm premyer – ministr Navaz Şärif belän küreşep söyläşäçäk , parlament häm senatnıñ urtaq utırışında çığış yasayaçaq.
Ärdoğan Törkiyä häm Paqıstannan yuğarı däräcäle şirkätlär citäkçeläre belän ütkäreläçäk cıyılışta premyer-ministr Şärif belän bergä qatnaşaçaq.
Törkiyä ilbaşı İslamabadtan soñ Laxorğa kitäçäk.
Ärdoğan 17-18 noyabr könnärendä Üzbäkstannıñ Sämärkand qalasında oçraşularda qatnaşaçaq.
Törkiyä ilbaşı Üzbäkstan ilbaşı wäkile, prem’yer-ministr Şävkät Mirziyayev belän küreşäçäk.
Liderlarnıñ Törkiyä – Üzbäkstan mönäsäbätläre belän bergä regional’ häm xalıqara täräqqiyätlär xaqında fiker alışuı kötelä.
Törkiyä ilbaşı Räcäp Tayyip Ärdoğannıñ Üzbäkstan häm Paqıstanğa säfärläreneñ ike yaqlı mönäsäbätlär häm xezmättäşlekne tağın da üsterü häm nığıtuğa forsat tudıraçağı belderelde.
