Kiçekterelgän Qatar säfäre tormışqa aşırıldı

Törkiyä Tışqı êşlär ministrı Mäwlüt Çavuşoğlu ber könlek räsmi säfär belän Qatarğa kitte.

Çavuşoğlunı başqala Dohadağı oçraşuları qısalarında Ämirlek Divanında Qatar Ämire Şäyex Tämim bin Hamad Al Sani qabul itte.

Wäkilleklär arasında matbuğatqa yabıq kileş ütkärelgän cıyılıştan soñ Şäyex Tämim belän Çavuşoğlu qara-qarşı küreşep söyläşte.

Soñınnan Qatar Premyer-ministrı Abdullah bin Nasır Al Sani tarafınnan da qabul itelgän Çavuşoğlu xezmättäşe Möxämmäd Abdurrahman Al Sani belän Tışqı êşlär ministrlığında oçraştı.

Diplomatik çığanaqlardan alınğan mäğlümatkä kürä, söyläşülärdä berençe märtäbä 2015nçe yılnıñ dekabr’ ayında Dohada cıyılğan Törkiyä-Qatar yuğarı strategik xezmättäşlek komitetınıñ Törkiyäneñ Trabzon qalasında ütkärelüe planlaştırılğan ikençe cıyılışına tuqtalıp uzıldı.

Çığanaqlar cıyılışta Törkiyä İlbaşı Räcäp Tayyip Ärdoğan belän Qatar Ämire Şäyex Tämimneñ qatnaşuınıñ kötelüe assızıqlandı.

Süriyä häm Ğiraq (Ğıyraq) kebek regional’ mäs’älälär dä quzğatılğan söyläşülärdä bu mäs’älälärdä urtaq fikergä kilenüe belderelä.

Taraflar arasında ayıruça ike il arasındağı säyäsi mönäsäbätlärneñ iqtisadi êlemtälärdä çağıldırıluı häm ike yaqlı säwdä külämeneñ arttırıluı mäs’äläse dä telgä alındı.

Tışqı êşlär ministrı Mäwlüt Çavuşoğlunıñ monnan alda yasaluı planlaştırılğan säfäre Qatar Ämireneñ babayı Xälifä bin Hamad Al Sanineñ wafat buluı arqasında sişämbe könenä kiçekterelgän ide.