Ärdoğan Obama belän telefonnan söyläşte

Törkiyä  ilbaşı Räcäp Tayyip Ärdoğan Amerika Quşma Ştatları ilbaşı Barak Obama belän telefonnan söyläşte.

İlbaşı idaräse beldergänçä, söyläşüdä “DEAŞ” terror oyışmasına qarşı köräştäge aldağı êtaplar xaqında süz bardı.

AQŞ ilbaşı Obama irekle Süriyä armiyäsenä kürsätelgän yaqlaw belän bergä Törkiyäneñ “DEAŞ” terror oyışmasına qarşı köräşen yuğarı bäyäläde.

Obama Törkiyäneñ “DEAŞ” terror oyışmasına qarşı koaliśiyägä şartlarğa turı kiterep qatnaşu mäs’äläsendä Törkiyä häm Ğiraq arasında däwam itkän dialog barışınnan qanäğät buluın belderde.  

Töbäkneñ “DEAŞ”, “PKK” häm başqa terror oyışmalarınnan arındırıluı kiräklegen belderüçe Törkiyä  ilbaşı Ärdoğan Musuldağı operaśiyäneñ sizger räweştä alıp barunıñ ähämiyätenä basım yasadı.

Törkiyä ilbaşı Räcäp Tayyip Ärdoğan häm Amerika Quşma Ştatları ilbaşı Barack Obama Tönyaq Ğiraqta “PKK” separatist terror oyışmasınıñ urnaşuına mömkinlek birmäw kiräklege mäs’äläsendä dä kileşte.