Awrupa räsmiläre Törkiyägä säfär yasıy

 Awrupa parlamentı başlığı Martin Şul’ś häm Awrupa şurası parlamentariylar assambleyası başlığı Pedro Agramunt kiläse atnada Törkiyägä säfär yasayaçaq.

Şul’ś 1 nçe sentyabr’dä Änkarağa kiläçäk häm ilbaşı Räcäp Tayyip Ärdoğan belän küreşep söyläşäçäk.

Törkiyädäge tüntäreleş kereşüennän soñ yasalaçaq säfärneñ maqsatı – Awrupa Berlege –Törkiyä mönäsäbätläre xaqında söyläşü, Awrupa Berlegeneñ demokratiya häm demokratik qimmätlärgä yaqlawın yañartu.

Awrupa şurası parlamentariylar assambleyası başlığı Pedro Agramunt Törkiyä säfärendä räsmi zatlar häm parlament liderları belän küreşäçägen citkergän.