Törkiyä Süriyädä xärbi operaśiya başlattı
Xärbi xäräkät belän Törkiyäneñ çik buyı iminlegeneñ täêmin itelüe maqsat itelä.
Törek qorallı köçläreneñ urtaq wazıyfa törkemnäre häm koaliśiya hawa köçläre tarafınnan Süriyäneñ Haläp qalasına bäyle Cärablus töbägeneñ “DEAŞ” terror oyışmasınnan çistartıluı maqsatınnan çığıp xäräkät başlatıldı.
Töbäk “Dawıl” gaubiśaları häm xärbi oçqıçlar belän bombalana.
“Dawıl” gaubiśaları häm küp köpşäle raketa caylanmaları belän säğät 04:00 tiräsendä başlanğan tığız artilleriya atuınnan soñ säğät 06:00 tiräsendä isä Törek qorallı köçlärenä bäyle xärbi oçqıçlar belän töbäk bombalandı.
F-16 oçqıçları Cärablus häm Käklicädäge maqsatlarğa höcüm itä.
Xäräkät maqsatınıñ çik buyı iminlegeneñ täêmin itelüe buluın belderüçe xärbi çığanaqlar 81 maqsatqa 294 atış yasaluın citkerde.
Xäräkät qısalarında planlaştırılğan hawa köçläreneñ 12 maqsatnı bombalawı burıçınıñ tulısınça ütälüe assızıqlandı.
Käklicä häm Cärablus töbägendä bilgelängän maqsatlarğa qarşı hawa höcümendä Törkiyä hawa köçlärenä bäyle F-16 oçqıçları da qatnaşa.
Daimi räweştä hawada bulğan ike F-16 oçqıçı şul uq mizgeldä bilgelängän maqsatlarnı bombalıy.
Xärbi çığanaqlar xäräkät qısalarında tank berlekläreneñ Süriyägä kerüe, xärbi xäräkätneñ däwam itüe belderelde.
Xärbi xäräkät belän Törkiyäneñ çik buyınıñ terror oyışmasınnan çistartıluı häm çik buyı iminlegeneñ arttırıluı täêmin itelep, ber ük waqıtta Süriyäneñ cir bötenlegen saqlaw planlaştırıla.
“DEAŞ” belän aktiv köräş başqaruçı Törek qorallı köçläreneñ operaśiyaları koaliśiya köçläreneñ bu terror oyışmasına qarşı alıp baruçı êşçänlegenä möhim öleş kertä.
Telgä alınğan şuşı xärbi xäräkät yärdämendä yaña küçenü (migraśiya) dulqının totqarlaw, töbäktäge tınıç xalıqqa humanitar yärdämneñ citkerelüe häm töbäkneñ terrorçı êlementlarınnan arındırıluı maqsat itelä.
Operaśiya belän Törkiyä Cömhüriyäte däwlätenä häm millätenä höcüm itkän, gäyepsez watandaşlarnı küpläp ütergän terror oyışması belän aktiv räweştä köräş alıp barıluı, bu mäs’älädä xalıqara cämäğätçelek häm koaliśiya köçläre belän xezmättäşlek qısalarında êşçänlekneñ başqarıluı maqsat itelä.
Operaśiya belän bäyle bularaq diplomatik kereşülär dä yasaldı, bu qısada Rusiyä Federaśiyäsenä operaśiya turında mäğlümat birelde.
Şul uq waqıtta xäräkät başlanğannan birle Ğomum ştabtağı qorallı köçlär idarä xäräkät üzägendä Ğomum ştab başlığı armiya generalı Hulusi Akar, Ğomum ştabnıñ ikençe başlığı armiya generalı Ümit Dündar belän bäyläneşle köç komandirları belän bergä xäräkätne citäkli häm täräqqiyätlärne küzätä.
