"Tüntäreleş kereşüenä qarşı Awrupanıñ yanıbızda buluın köttek"

 Törkiyä ilbaşı Räcäp Tayyip Ärdoğan 15 nçe iyül’däge tüntäreleş kereşüendä Törkiyägä citärlek däräcädä yaqlaw kürsätmägän Awrupanı kisken räweştä ğayepläde.

İlbaşı Ärdoğan Germaniyanıñ “RTL” kanalına yasağan belderüendä “Fätullahçı terror oyışması/parallel’däwlät qorılışı”nıñ 15 nçe iyül’ tüntäreleş kereşüe häm Awrupa Berlegeneñ totışı, vizadan azat itü häm Germaniyanıñ xökem çığaru sisteması xaqında bäyäläwlär yasadı.

Tüntäreleş kereşüenä qarşı Awrupanıñ yannarında buluın kötülären beldergän Ärdoğan Parijda terrorğa qarşı cıyılğan awrupalılardan Törkiyä öçen dä şunı uq kötülären ,Awrupa illäreneñ kim digändä berär wäkil cibärüläre kiräklegen ,fäqät monıñ başqarılmawına basım yasadı.

”FETÖ”neñ tüntäreleş kereşüendä 240 watandaşnıñ ğomere özelüen, 2 meñnän kübräk keşeneñ dä yaralanuın belderüçe ilbaşı Ärdoğan:”Törkiyä demokratiyäsenä yasalğan älege höcümnän soñ barı tik Awrupa şurası ğomum särqätibe,1 Awrupa ministrı häm Katar tışqı êşlär ministrı kilde. Monıñ bolay buluına bik borçılabız”,-dide.

Törkiyä ilbaşı Germaniyanıñ Keln qalasında 2 atna êlek ütkärelgän tüntäreleşkä qarş mitingqa telekonferenŝiya belän qatnaşuına Germaniya konstituŝion mäxkämäseneñ röxsät birmäwen dä tänqitläp “Min bu mäs’älädä Germaniya mäxkämäsenä xörmät belän qaramıym”dide.

Vizadan azat itü häm Awrupa Berlege – Törkiyä arasındağı “Kire qabul itü “mäs’älälärenä dä tuqtalğan ilbaşı Awrupanıñ vizadan azat itü mäs’äläsendä birgän süzendä tormawın ,Törkiyäneñ dä kire qabul itüne ütämäyäçägen citkerde.

Ärdoğan Awrupa Berlegeneñ Törkiyäne 53 yıl buyı törle mäs’älälärdä buşqa waqıt uzdıruına basım yasadı.

Törkiyäneñ Süriyä çik buyındağı täräqqiyätlärgä dä tuqtalğan ilbaşı Ärdoğan NATOnıñ bu problemalar belän Törkiyäne yalğız qaldıruın belderde.

Törkiyä ilbaşı Räcäp Tayyip Ärdoğan Rusiya säfärendä Putin belän oçraşuında Süriyäneñ Xaleb qalasın da kön tärtibenä kiterülären belderep:” Humanitar yärdäm ireşterü öçen koridorlar bulaçaq. Rusiyäneñ yärdäme belän bu problemanı çişüebezgä ışanam”,-dide.