“Ägär Gülän anda qalsa, bu AQŞ anı saqlıy digän süz”

Törkiyä ilbaşı idaräse süzçese İbrahim Kalın Törkiyäneñ “Fätullahçı terror oyışması/parallel’ däwlät qorılışı”citäkçese Fätullah Gülänne qaytarıp birü mäs’äläsendä Amerika Quşma Ştatlarınnan tığız xezmättäşlek kötelüen belderde.

Kalın “Äl Cäzirä” televideniyesenä birgän intervyusında Gülänne kire qaytarıp birü öçen Törkiyäneñ AQŞqa tağın ber dosye cibäräçägen citkerde.

Bu terrorçını Törkiyägä tapşıru öçen Amerikanıñ ike il arasındağı xezmättäşlek häm kileşülär nigezendä xäräkät itüen kürergä teläwlären häm ışanuların belderüçe Kalın ,monıñ öçen Amerikanıñ qanun kirägençä êşçänlek başqaruın teläwlären citkerde.

Gülänne Törkiyägä tapşırmawnıñ Törkiyä-Amerika mönäsäbatlärendä problema barlıqqa kiteräçägen kisätüçe İbrahim Kalın :”Ägär Gülän anda qalsa, bu AQŞ anı yaqlıy,saqlıy digän süz. Amerikalılar Gülänne üz cirlärendä saqlaw säbäben Törkiyä xalqına açıqlarğa mäcbür bulaçaq”,-dide.