İlbaşı Ärdoğan: “Çarasın kürmäsälär, alarnıñ başına da bäla bulır”

İlbaşı Räcäp Tayyip Ärdoğan “Fätullahçı” (FETÖ/PDY) terror oyışması/parallel däwlät qorılışınıñ “PKK” separatist terror oyışması, Süriyädäge däwamı “PYD” häm “DEAŞ” kebek terror oyışmaları belän xezmättäşlegeneñ dä bilgele bula başlawın äytte.

Ärdoğan “Fätullahçı” (FETÖ/PDY) terror oyışması/parallel däwlät qorılışınıñ 15nçe iyüldäge xain baş kütärü kiçen häm annan soñ yäşängän täräqqiyätlärne turıdan-turı êfirda TRT êkrannarı aşa bäyäläde.

İlbaşı Ärdoğan waqiğanı cizniyennän xäbär alğannan soñ zängär êkrannar aşa xalıqqa yasağan "mäydannarğa çığığız”çaqıruınıñ atmosferanı qısqa waqıtta kiresenä äyländerüen äytte. Ärdoğan soñınnan tüntäreleşçelärneñ F-16 xärbi oçqıçları belän tınıçsız itkän risklı säyäxät belän İstanbulğa töşüen añlattı. 

İlbaşı bu barışta yanında bulğan xäläl cefete, qızı häm kiyäweneñ (Ênergetika häm tabiği çığanaqlar ministrı Bärat Albayraknıñ) totrıqlı räweştä xäräkät itüen, barı tik yäşläre bik keçkenä bulğan onıqlarınıñ waqıt waqıt tınıçlandıruğa ixtıyacları buluın assızıqladı.

 “Fätullahçı” terror oyışmasınıñ oyışu çeltäreneñ ni çaqlı kiñ buluın, üzlärennän tış başqasına yäşäw xoquqın tanımawların 2010nçı yıldan birle añlatuın belderüçe Ärdoğan 15nçe iyül tönge baş kütärügä qağılışlı berençe xäbärne alğan çaqta da başqaruçılarnıñ şuşı oyışmadan buluınnan şiklänmäwen äytte.

İlbaşı, kilep citelgän wazğiyättä bu oyışma äğzaläreneñ Törek qorallı köçlärennän häm başqa oyışmalardan çistartıla başlanuına iğtibarnı yünältep, xoquqqa tiskäre xäräkät itelmäyäçägenä, fäqät bersenä dä märxämät kürsätelmäyäçägenä, tiskäre oçraqta şähitlärgä häm ğazıylärgä xıyanät itelgän bulaçağına basım yasadı.

Küzläw berämlekläreneñ ber tüşäm astında cıyıluına qağılışlı êşçänlek alıp barıluın da assızıqlawçı Ärdoğan yaqın waqıtta xökümätneñ bäyäläw yasayaçağın belderde.

“FETÖ”nı yaman şeşle küzänäklärgä oxşatuçı İlbaşı Ärdoğan: “Qurqınıç uzdı dip äytü öçen şuşı yaman şeşle küzänäklärneñ barısınıñ da qazılıp atılğan buluı zarur”, - dip äytte.

İlbaşı 15nçe iyül tönendä mäydannarnı saqlap canın fida itep şähit bulğan watandaşlarnıñ ğailäläreneñ tapşıru waqıtında kürsätelgän yullamaların küz yäşläre belän tıñladı.

İlbaşı, Könbatış illärennän äle haman berkemneñ dä kilep biredä närsä buluın kürmäwen telgä alıp: “Bu ilne yünältä almayaçaqsız, bülä almayaçaqsız. Milli iradäne tuqtata almayaçaqsız”, - dip äytte.

Könbatışnıñ Törkiyäneñ köçäyüen, üzenä citärle xälgä kilüen telämäwenä işaräläwçe Ärdoğan mondıy barışta da xätta üzenä şaltıratqan äñgämädäşläreneñ 15nçe iyüldäge 239 şähitne hiç telgä almawın, qulğa alular häm wazıyfadan çitläşterülär belän bäyle borçıluların citkerülärenä kisken reakśiya kürsätüen añlattı.

Cömhüriyätneñ 100 yıllığı bulğan 2023nçe yılğa taba ışanıçlı adımnar belän barırğa däwam iteläçägen äytüçe Ärdoğan iqtisadi barışta, finans ölkädä häm bazarlarda bernindi awırlıqnıñ bulmawın assızıqlap äytep uzdı.

“Fätullah” terror oyışmasınıñ başqa 170 ildäge uqu yortlarınıñ da yabıla başlawın belderüçe Törkiyä İlbaşı: "Çarasın kürmäsälär, alarnıñ başına da bäla bulır”, - dip kisätte.

“FETÖ” liderınıñ Törkiyägä qaytarıluı öçen aldıbızdağı könnärdä Amerika Quşma Ştatlarında oçraşularnıñ ütkäreläçägen äytüçe Ärdoğan bügengä çaqlı Amerika Quşma Ştatları üzlärennän terrorçı telägän çaqta dälil soralmıyça zarur bulğannıñ başqarıluın, Waşington citäkçelegennän dä bu barışnı ozınaytmawın teläwen belderde.

Terrorçı atamanınıñ qaçuı ixtimalına da tuqtalıp uzuçı Ärdoğan: "Bu monnan arı AQŞnıñ cawaplılığıdır. Mondıy ber wazğiyätne niçek añlatırlar”, - dip äytte.

Törkiyädä soñğı çorlarda yäşängän härtörle problemanı “FETÖ”gä bäyläwneñ dä döres bulmawın belderüçe İlbaşı: "Bu şarlatannı bu qädär dä zuraytmıyq, ul çaqlı citez tügel”, - dip fikerlären citkerde.

Monnan aldağı yıllarda Törkiyägä çaqırğan “FETÖ” liderınıñ moña yanaşmawın belderüçe Ärdoğan: “Çönki Amerika Quşma Ştatlarında qalğan sayın dastanğa äylänüen uylıy, Törkiyägä qaytsa çın yözenen añlaşılaçağınnan borçıla”, - dip äytep, üzen ul çaqta cibärmägän yuğarı aqılnıñ bügen üzen äle dä ilebezgä qarşı qullanuına basım yasadı.

TRT êkrannarında 9nçı avgustta yasayaçaq Rusiyä säfärenä dä tuqtalıp uzuçı İlbaşı Räcäp Tayyip Ärdoğan säfärneñ 24nçe noyabrdäge oçqıç krizisınnan soñ yäşängän tiskäre çornıñ uzdırıp cibärelüenä öleş kertäçägenä basım yasadı. Ärdoğan Rusiyä liderı Vladimir Putin belän oçraşuınıñ iñ möhim mäs’älälärennän berseneñ Süriyä krizisınıñ bulaçağın assızıqladı.