Törkiyä-Awrupa Berlege xezmättäşlege
Awrupa Berlege komissarı Canete Törkiyä mönäsäbätlärenä bäyä birgän
Awrupa Berlegeneñ Ênergetika häm klimat komissarı Miguel Arias Canete Törkiyä häm Awrupa Berlege arasındağı ênergetika xezmättäşlegeneñ däwam itüen belderep, ayıruça Könyaq Gaz koridorınıñ här ike taraf öçen zur ähämiyätkä iyä buluın äytkän.
Canete Fätullahçı terror oyışması/parallel’ däwlät qorılışınıñ 15nçe iyul könge tüntäreleş kereşüennän soñ Törkiyä-Awrupa Berlege arasındağı ênergetika mönäsäbätläre belän bäyle bularaq Anadolu agentlığına açıqlaw yasağan.
Törkiyä häm Awrupa Berlegeneñ ênergetika ölkäsendä möhim urtaq proyektlarnıñ buluına işarät itkän Canete: “Qıtayda 29nçı iyun könne oyıştırılğan G20 Ênergetika ministrları oçraşuında ütkärgän cıyılışta Törkiyäneñ Energetika häm tabiği çığanaqlar ministrı Bärat Albayrak Törkiyäneñ Könyaq gaz koridorı proyektına bulğan bäylelegen häm tämamlanuı mäs’äläsendäge täwäkkällelegen qabatladı. Bez dä bu wazğiyättän bik qanäğat. Törkiyä häm Awrupa Berlege arasındağı ênergetika xezmättäşlege däwam itä,” – digän.
