Ärdoğan dönya liderları belän söyläşte

Törkiyä däwlät başlığı Räcäp Tayyip Ärdoğan Fetullahçı terrör oyışması parallel däwlät qorılışı (FETÖ/PDY)neñ 15nçe iyul tüntäreleş kereşüenä qarşı Törkiyägä yärdäm itergä telägän liderlar belän telefonnan söyläşülär ütkärde.

Däwlät başlığı idaräseneñ çığanaqlarınnan alınğan mäğlümatqa kürä, Törkiyä däwlät başlığı Ärdoğan çıratlap Bosniya-Gerśegovina däwlät başlığı idaräseneñ şura başlığı Bakir İzzetbegoviç, Baxreyn patşası Hamed bin İsa  bin Halife häm Berläşkän Millätlär oyışması ğomum särqätibe Ban Ki-Mun belän telefonnan söyläşü ütkärde.

İlbaşı Ärdoğanğa şaltıratqan liderlarnıñ tüntäreleş kereşüenä qarşı bulğannarın, Törkiyädä saylanğan xökümätne xuplağannarın häm bu mäsälädä törek xalqı belän ber yärdämläşü eçendä bulğannarın assızıqlawın belderelde.

Söyläşü waqıtında liderlarnıñ tüntäreleşçelärneñ açqan ut näticäsendä häm qarşı kilü waqıtında wafat bulğannarı öçen qayğı urtaqlaşuwın citkergännäre xäbar itelde.

Tunistağı Nahda xäräkäteneñ liderı Raşid el-Gannuşiniñ dä şul uq qısada Törkiyä däwlät başlığı Ärdoğanğa şaltıratqanı  belderelde.