İlbaşı kölliyätendä cıyılış

Törkiyä ilbaşı Räcäp Tayyip Ärdoğan Ğadälät häm qalqınu partiyase AKP, Cömhüriyät xalıq partiyase CHP häm Millätçe xäräkät partiyase MHP liderların 15nçe iyul könge tüntäreleş kereşüenä qarşı kürsätkän totışları öçen räxmäten belderü maqsatı belän İlbaşı sarayı kölliyätendä qunaq itte.

Ğomüm başlıqlarnıñ däwlät başlığı belän oçraşuı 2 säğat 40 minut bardı.

CHP räsmi zatları tarixi cıyılıştan soñ yasağan açıqlawlarında: “Säyäsätneñ cayğa salınuı barışına xezmät kürsätäçäk uñay söyläşü buldı,” – dide.

İlbaşı idaräse ğomüm särqätibe Fahri Kasırga partiya räsmiz atlarına yäkşämbe könne cibärgän xatta Törkiyä 15nçe iyul könne Fätullahçı terror oyışması/parallel’ däwlät qorılışı äğzaläre, ğaskäri kiyemen kigän ber törkem terrorçı tarafınnan oyıştırılğan qorallı häm qanlı tüntäreleş kereşüenä duçar qaluın xäterlätep: “Bu qısada xörmätle ilbaşıbız 25nçe iyul düşämbe könne säğat 14.00tä CHP ğomüm başlığı Xörmätle Kämal Kılıçdaroğlu häm MHP ğomüm başlığı Xörmätle Däwlät Bahçäli belän Ak partiya ğomüm başlığı Xörmätle Binali Yıldırımnı tüntäreleş kereşüenä qarşı totışları öçen üzlärenä räxmät belderü häm soñğı täraqqıyätlärne bäyäläp, täqdimnären alu öçen Bäştäpä İlbaşı sarayı kölliyätenä çaqıra,” – dide.