FETÖ başlığı tapşırılaçaq

FETÖ terror oyışması başlığı Fätullah Gülänneñ Amerika Quşma Ştatlarınnan tapşırıluına qanuni kirtä qalmadı.

Gülänneñ Törkiyä belän AQŞ arasında ğayeplänüçelärneñ kire tapşırıluı kileşüendä urın aluçı: “Ber däwlät başlığı yäisä xökümät başlığına yäki ğailä äğzalärennän bersenä qarata başqarılğan yäisä başqarırğa cıyınğan cinayäp säyäsi cinayät bulıp sanalmıy” maddäse buyınça Törkiyägä kire tapşırıluı zarur.

İke il arasında 1979nçı yılnıñ 7nçe iyun könne imzalanğan, 1981nçe yılnıñ 1nçe ğinwar könendä ğamälgä kergän “Amerika Quşma Ştatları belän Törkiyä Cömhüriyäte arasında ğayeplänüçelärneñ kire tapşırıluı häm cäza êşlärendä ike yaqlı yärdäm kileşüe” ğayeplänüçelärneñ kire tapşırıluı belän bäyle xökemnärne tärtipkä sala.

Änkara Cömhüriyät Prokuraturası tarafınnan “Fätullahçı terror oyışması/parallel däwlät qorılışı”na qarata tikşerüdäge berençe şöbhäle Fätullah Gülänneñ kire tapşırıluı öçen xäzerlängän dosye berniçä kön elek AQŞ yuridik räsmi zatlarına citkerü öçen Ğadälät ministrlığına cibärelde.