Törkiyä Awrupa parlamentın terrornı propagandalawda ğayepläde

Törkiyä ilbaşı idaräse süzçese İbrahim Kalın Belgiya başqalası Bryusseldä Awrupa parlamentı binasında “PKK”separatist terror oyışması citakçese Abdullah Öcalan häm oyışmanıñ Süriyädäge törkeme”PYD”äğzası terrorçılarnıñ fotoräsemnäre urın alğan kürgäzmä açulu belän bäyle yazma belderü yasadı.

Kalın här kön Törkiyä watandaşların maqsat itep alğan terror oyışmasınıñ Awrupa parlamentı binasında propaganda alıp baruınıñ süz irege qısasına kermäwen citkerde.

Kalın:”Awrupa parlamentınıñ Awrupa Berlege terror oyışması itep qabul itkän “PKK”nıñ törkeme bulğan “PYD”nıñ reklamasın yasap nigä ireşergä teläwen añlıy almıybız”,-dide.

 Törkiyä tışqı êşlär ministrlığı da mäs’älä belän bäyle ğayepläw yullaması yasadı.  

Ministrlıq belderüendä Awrupa parlamentınıñ bu kürgäzmä belän terror oyışmasın propagandalawı häm terrorçılıqqa öndäwgä öleş kertüe belderelde.

Törkiyä tışqı êşlär ministrı Mävlüt Çavuşoğlu da sotsial media aşa älege kürgäzmäne ğayepläde.

Çavuşğolu tışqı eşlär ministrlığı häm Awrupa Berlege daimi wäkilçelegeneñ mäs’älä belän bäyle kereşülär başqaruın citkerde.