İlbaşı Ärdoğan: “Terrorçığa berdäm qarşı torırğa”

İlbaşı Ärdoğan çärşämbe könne İlbaşı qolliyäsendä Tışqı iqtisadi êlemtälär şurası qarşındağı êşmäkärlär häm Törkiyädäge çit il tulı wäqälätle ilçelär belän iftar aşında oçraştı. İlçelär arasında Rusiyä Federatsiyäseneñ Änkara tulı wäqälätle ilçese Andrey Karlovnıñ buluı da iğtibarnı cälep itte.

İlbaşı Ärdoğan iftar waqıtında yasağan çığışında Törkiyädä, Frantsiyada, Belgiyada, Paqıstanda, Amerikada yäşängän terror waqiğaları arqasında yözlärçä gäyepsez keşeneñ häläq buluın, dönyanıñ şaqtıy urınında ışanuları, kilep çığışları, mädäniyätläre arqasında ülemgä säbäp bulğan basımnarğa, äziyätlärgä duçar buluın äytte.

Kemneñ yasawına häm kemgä qarşı yasaluına qaramastan zolımğa hiç rizalıq kürsätelmäwneñ zarurlığın assızıqlawçı İlbaşı Ärdoğan awır xäldä qaluçılarğa, zolım kürüçelärgä berdäm bulıp teläktäşlek kürsätelüeneñ zarurlığın belderde.

Dönyanıñ köç uyınnarına tügel, keşelek problemalarına çişeleş tabıluına ixtıyacı buluına basım yasawçı Ärdoğan dönyanıñ härkem öçen tağın da güzäl, tağın da yäşänä alırlıq wazğiyätkä äyländerelüeneñ keşelek dönyasınıñ wazıyfası buluın äytte.

Xalıqara cämäğätçelektän kötelgänneñ bigräk tä humanitar ölkädä tağın da kübräk buluın belderüçe Ärdoğan tiskäre oçraqta bügen çişeleş tabıla alınmağan här humanitar krizisnıñ irtägä yaña krizislarğa, yaña problemalarğa säbäp bulaçağın assızıqlap äytep uzdı.