"Törkiyä yanında bulu kiräk"

Törkiyä İlbaşı idaräse süzçese İbrahim Kalın Awrupalı duslarnıñ Törkiyägä terrorçılıq belän köräşendä kiñäş birü urınına yärdäm kürsätüe zarurlığın äytte.

Kalın İlbaşı sarayında matbuğat oçraşuı oyıştırıp, kön tärtibenä bäyä birde.

İbrahim Kalın separatist PKK kebek terror oyışmalarnıñ üz dinamikaları yärdämendä bar bulmawlarına işarät itep: “PKKnıñ kemnärneñ qurçağı buluı kürenä,” – digän.

“Awrupadan qayğı belän urtaqlaşu yullamaların yasağan duslarubızğa räxmätemne belderäm,” - digän İbrahim Kalın tübändägeçä däwam itte: “Awrupalı duslarıbız bu PKK terror oyışmasınıñ Awrupada niçä yäşeren oyışma belän citäkläwen belälärme?”

İbrahim Kalın bu ikeyözle totışnıñ, bu ikelätä standartnıñ monnan soñ azağına yaqınlaşuı zarurlığın belderep: “Amerika Quşma Ştatları da monnan soñ bu oyışmanıñ törkemnäre belän xezmättäşlek başqarırğa tiyeş tügel,” – dide.

Kalın İstanbulda sişämbe könne häm Mardindä çärşämbe könne barlıqqa kilgän terror höcümnäreneñ Törkiyäneñ terrorçılıqqa qarşı köräş qanunında tärtipkä salunı çınğa aşıruın kötüneñ ni qadär xaqsız buluın da kürsätüen açıqladı.

Süzçe Kalın: “Törkiyägä terrorçılıq belän köräş mäs’äläsendä ber törkem kiñäş birü urınına Awrupalı duslarıbıznıñ terrorçılıqqa qarşı köräş mäs’äläsendä taşlamasız räweştä Törkiyä yanında buluı kiräk,” – dide.