6 ğäskäri häm 1 politsiya xezmätkäre şähit

Nusaybindäge uramğa çığu tıyıluınnan (kommendant säğätennän) soñ terrorçılarnıñ totılıp qulğa alınuı, tozaqlanğan şartlatqıçlarnıñ yuqqa çığarıluı, açılğan çoqırlarnıñ yabıluı öçen Törek qorallı köçläre häm iminlek törkemnäreneñ 14nçe martta başlatqan operatsiyäse däwam itä.

İlçädä terrorçılar tozaqlağan granatalarnıñ şartlatıluı näticäsendä 5 ğäskäri häm ber politsiya xezmätkäre şähit buldı, 4 politsiya xezmätkäre dä yaralandı.

Şırnaktağı operatsiyalar waqıtında da terrorçılar yasağan qorallı höcüm näticäsendä ber ğäskäri awır yaralanğan.

Ğäskäri salınğan xastaxanädä yasalğan meditsina yärdämenä qaramastan qotqarıla alınmıyça şähit buldı.

Hakkarineñ Yüksäkova ilçäsendä ütkärelgän operatsiyälärdä isä ikese citäkçe kadrlarınnan cämğise 16 terrorçı tä'sirsez xälgä kiterelde.

Tuncälidä alıp barıluçı operatsiyälär waqıtında da 2 sıyınır cir häm küp miqdarda şartlatqıç yuqqa çığarıldı.