Ärdoğan: “Höcümnär nıq toruçanlıqnı beterä almayaçaq”
İlbaşı Ärdoğan Törkiyäneñ Diyarbakırdağı terror höcümen näfrät belän gäyepläde.
Diyarbakırnıñ Bağlar ilçäsendä politsiya xezmätkärläre utırğan xezmät avtobusı uzğan çaqta terrorçılar oyıştırğan bombalı höcümdä 7 politsiya xezmätkäre şähit bulğan.
Bomba töyälgän maşina belän yasalğan xain höcümdä 13 politsiya xezmätkäre belän bergä 27 keşe dä yaralanğan.
Şartlawnıñ köçe belän tirä-yaqqa zur külämdä matdi zıyan kiterelgän.
Şul uq waqıtta Atom-töş iminlege yuğarı däräcäle oçraşuı öçen Amerika Quşma Ştatlarına kitkän Törkiyä İlbaşı Räcäp Tayyip Ärdoğan äxlaqsız höcümne näfrät belän gäyepläde.
Ärdoğan Êçke êşlär ministrı Äfkan Aladan mäğlümat alğan waqiğada häläq buluçılarnıñ tuğannarınıñ qayğısın urtaqlaştı.
“Brookings" institutında oyıştırılğan paneldä çığış yasawçı İlbaşı Ärdoğan: “Terror bälasın ilebezneñ kön tärtibennän çığaraçaqbız", - dip äytte.
Bu höcümnärneñ terrorçılıq belän köräştäge nıq toruçanlıqnı beterä almayaçağın assızıqlawçı Ärdoğan “PKK" häm bäyläneşle törkemnäreneñ çın yözen härkemneñ kürüeneñ zarurlığına basım yasadı.
