Terrorğa qarşı köräş: könneñ näticäse
Operatsiyälär waqıtında 1 politsiya xezmätkäre belän 3 ğäskäri şähit bulsa, 10 terrorçı tä’sirsez xälgä kiterelde.
Törkiyäneñ Şırnak şähärendä “PKK" separatist oyışmasına qarşı operatsiyälär waqıtında 1 politsiya xezmätkäre şähit buldı.
Operatsiya waqıtında terrorçılarnıñ höcümenä duçar bulğan 2 politsiya xezmätkäre isä yaralandı.
Mardinnıñ Nusaybin ilçäsendä dä “PKK" terror oyışmasına qarşı operatsiyädä 3 ğäskäri şähit buldı.
Diclä mäxälläsendäge operatsiyalar waqıtında “PKK" separatist oyışma äğzase terrorçılar urnaştırğan şartlatqıçnıñ şartlawı näticäsendä yaralanğan 4 iminlek xezmätkäreneñ däwalanuı isä däwam itä.
Şul uq waqıtta Törek qorallı köçläre Ğiraqnıñ tönyağında urnaşqan terror oyışmasına qarşı hawa xäräkäten oyıştırdı.
Hawa xäräkäte waqıtında Hukurk, Haftanin, Avaşin häm Basyan lagerlarındağı terror maqsatları yuqqa çığarıldı.
İminlek köçläreneñ Mardin häm Şırnakta ütkärgän operatsiyäläre näticäsendä isä 10 terrorçı tä'sirsez xälgä kiterelde.
Hakkarineñ Yüksäkova ilçäsendä alıp barılğan operatsiyädä dä ber binada terrorçılar qullanğan granata yasaw eşxanäse qulğa töşerelde.
Şul uq waqıtta şähärdä terrorçılar iminlek mödirlege binası belän uqıtuçılar yortına minomyot häm raketa utın açtı.
Höcümdä ülüçe häm yaralanuçı bulmadı, binalarğa matdi zıyan kiterelde.
Höcümnän soñ töbäkkä iminlek törkemnäre cibärelep, şöbxälelärneñ totıluı öçen operatsiya başlatıldı.
Terrorçılar Batmanda da ber mäktäpkä bombalı höcüm oyıştırdı.
Şartlaw näticäsendä mäktäp binasınıñ işekläre häm täräzäläre cimerelgän bulsa, iminlek köçläre operatsiya başlattı.
Bäyläneşle xäbärlär
Ärdoğan Äliyev (Әлиев) belän bäyrämläşte
Törkiyä İlbaşı Räcäp Tayyip Ärdoğan Azärbaycan Däwlät başlığı İlham Äliyev (Әлиев) belän bäyrämläşte
Törkiyä zäñgär bayraqta dönya öçençese
Törkiyä zäñgär bayraqlı plyaj sanı belän dönyada öçençe urında