Dawıtoğlu: “Törkiyä uyınğa birelmäyäçäk”

Premyer-ministr Äxmät Dawıtoğlu gäyepsez keşelärne ütergän ber qatilneñ qayğı urtaqlaşu çarasında qatnaşunıñ, anı xörmät belän iskä alunıñ keşelekkä qarşı yasala alınaçaq in zur xiyanät buluın belderde.

Dawıtoğlu HDP “Xalıqlarnıñ demokratik" partiyasınıñ Van xalıq ışanıçlısı Tuğba Häzärneñ Änkarada 29 keşe häläq bulğan terror höcümen yasawı däğwa itelüçe terrorçı öçen Vanda qorılğan qayğı urtaqlaşu çatırına baruına qarata “Twitter" xisabı aşa kisken reaktsiya kürsätte.

Premyer-ministr Dawıtoğlu belderüendä Törkiyälelek däğwasında buluın belderüçe partiyanıñ Törkiyä Böyek Millät Mäclesendäge öç partiya imzalağan terrorçılıqqa qarşı urtaq totış belderüenä qul quymawına iğtibarnı yünältte.

Törkiyäneñ etnik qotıplaşunı buldırırğa tırışuçılarnıñ, millätneñ qayğısın mısqıllawçılarnıñ uyınına birelmäyäçägen assızıqlawçı Dawıtoğlu:

"Bu cirlärdä törekmännärneñ dä, kördlärneñ dä, ğäräplärneñ dä iñ zur dustı Törkiyäder. Tarix ta, millät tä bezneñ yaqlı", - dip äytte.

Törekçädän tatarçağa Säğit Xäyri tärcemäse