"Terrorğa qarşı köräştä kiregä adım yasalmayaçaq"

Änkaradağı terror höcüme belän bäyle xökümät äğzaları häm oppozitsiya wäkilläre qırıs belderülär yasadı.

Törkiyä Böyek Millät Mäclese başlığı İsmail Kahraman üz belderüendä Törkiyäneñ soñğı yıllarda dönyanıñ törle poçmaqlarındağı moxtaclarğa yärdäm qulı suzuınnan ,qıyın xäldägelärneñ ömet qapqası buluınnan tınızsız buluçılarıñ höcümenä duçar buluına borçıluların citkerde.

Premyer - ministr Äxmät Dawıtoğlu terrorğa qarşı köräştä kiregä adım yasalmayaçağın belderde.

Dawıtoğlu bu xaqtağı yullamasında:”İlebez,ğaziz millätebez häm demokratiyäbezne maqsat itep alğan bu höcümne başqaruçılar häm anı äzerläwçelär maqsatlarına ireşä almayaçaq. Barlıq terror oyışmalarına qarşı xaqlı köräştä kiregä adım yasamayaçaqbız”,-dide.

Premyer-ministr urınbasarı häm xökümät süzçese Numan Kurtulmuş ta başqaladağı terror höcümen başqaruçılarnıñ älegä bilgele bulmawın ,höcümne başqaruçılar ğına tügel, alarğa här törle yärdäm kürsätüçelärne dä läğnätläwlären citkerde.

Premyer-ministr urınbasarı Yalçın Akdoğan da bu xaqtağı belderüendä ber genä terror höcümeneñ dä Törkiyäneñ bu yünäleştäge köräşen tuqtata almayacağın assızıqladı.

Tışqı eşlär ministrı Mavlüt Çavuşoğlu Törkiyäneñ bergälegenä höcüm itüçelärgä qarşı bergä bulırğa çaqırdı.

Höcümgä oppozitsiya da reaktsiya belderde.

“Cömhüriyät xalıq” partiyäse, “Millätçe xäräkät” partiyäse ,”Xalıqlarnıñ demokrat” partiyäse ğomum başlıqları başqaladağı xain höcümne qırıs räweştä ğayepläde.