İnternetnı üzgärtä alaçaq texnologiya: ChatGPT
Tormışnıñ qızıqlı yaqları 18/2023
Tormışnıñ qızıqlı yaqları 18/2022
Bügenge yazmabızda internetnı üzgärtä alaçaq texnologiya “ChatGPT” turında süz alıp barabız. OpenAl tarafınnan êşlängan “ChatGPT” isemle çatbot dialog formasında êlemtä urnaştırğan tel modele bularaq küp temalarda qanäğät’länerlek cawap birä ala. Aña şiğır’ yazarğa quşuçılar da, programma yazdırırğa teläwçelär dä bar.
“ChatGPT” - yasalma intellekt häm sanaqnı qullanu säläte yärdämendä öyrätelgän tel modele. Ul 30 nçı noyabr’da yasalma intellekt tikşerenü şirkäte OpenAl tarafınnan böten dön’yağa täq’dim itelde häm yaqınça biş kön êçendä ber million qullanuçığa ireşte. Qullanuçılarnıñ “ChatGPT” belän bulğan söyläşülärendä sistemanıñ bik küp temağa logik häm qanäğät’länerlek cawap birä aluı kürenä.
Keşegä oxşağan cawaplar birä alğan model’ internettan alınğan bik zur tekst mäğ’lümatları belän öyrätelde häm ul kiläse yıllarda êzläw sistemaların alıştırırğa mömkin dilär.
“ChatGPT” nindi texnologiyägä nigezlängän?
”ChatGPT” GRT-3 texnologiyäsen qullana, ul bügengä qadärge iñ zur häm iñ köçle tel êşkärtü texnologiyäse bulıp sanala. “Dialog öçen” optimal’läşterelgän buluı “ChatGPT”ne üzençälekle itä.
Texnologiya akademiyäsenä nigez saluçı Devrim Danyal “ChatGPT”neñ qullanuçılarınıñ fikerlärenä, cawaplarına iğ’tibarlı buluın assızıqlıy.
“ChatGPT” nindi temalarğa söyläşä ala?
“ChatGPT”neñ närsälär êşli aluın ayırım ğına äytü qıyın. Mäsälän, ul telägän temağa mäqalä yaza, yaxşı proyekt täq’dim itä ala, xätta cır tekstı, xikäyälär, sśenariylar häm aş-su reśeptları yaza ala…
“ChatGPT” kiläçaktä niçek üzgäräçäk?
“ChatGPT” älegä bik çikle häm OpenAl sistemanıñ sınaw êtabında buluına basım yasıy. Bu model’ internettan alınğan zur tekst belän öyrätelgängä, mäğ’lümatlar raslanırğa tiyeşlegen istä totarğa kiräk.
Texnologiya akademiyäsenä nigez saluçı Devrim Danyal kiläçäktä raslanğan mäğ’lümatlar birgän oçraqta ul qarar qabul itü mexanizmına äwerelergä mömkin dip uylıy.
Çığanaq: TRT Xäbär
