Çit illärdän teläktäşlek yullamaları

Rusiyä Federaŝiyase däwlät başlığı Vladimir Putin Törkiyä ilbaşı Räcäp Tayyip Ärdoğanğa cirteträw arqasında qayğı belän urtaqlaşu yullaması yasadı.

Üzbäkstan ilbaşı Şäwkät Mirziyoyev yaqtı dön’yadan kitüçelärneñ ğailäläreneñ qayğısın urtaqlaştı, yaralanuçılarğa şifalar teläde.

Ukraina däwlät başlığı Vladimir Zelenskiy afätneñ qabatlanmawın teläde.

Bolgariya prem’yer-ministrı Boyko Borisov teläktäşlek yullaması yasadı.

Qatar Ämire Temim bin Xamed Al Sani häm Liviya xökümät räise Fayiz es-Serrak ta Ärdoğanğa şaltıratıp, qayğı belän urtaqlaştı.

Paqıstan tışqı êşlär ministrlığınnan yasalğan açıqlawda Paqıstan xalqınıñ törek qardäşläre belän köçle teläktäşlek êçendä buluı häm Törkiyä öçen doğa itüläre citkerelde.

NATO ğomüm särqätibe Yens Stoltenberg ta berlektäş illärgä yärdäm kürsätergä äzer buluların belderde.

Bötendön’ya sälamätlek saqlaw oışması ğomüm mödire Dr. Tedros Adxanom Gebreyesus ta wazğıyät’ne yaqınnan küzätep baruların äytep: “İxtıyac iyälärenä aşığıç mediŝina yärdämeneñ kürsätelüen beler öçen ike il beläñ bergä êşliyäçäkbez,” – dide.

Berläşkän Millätlär Oyışması isä räsmi zatlar belän êlemtädä buluların belderep: “Yärdämgä äzer bez,” – yullamasın yasadı.

İzrail saqlanu ministrlığı İzrail armiyasenä ber êzläw häm qotqaru törkemen Törkiyägä cibärü öçen äzerleklärne başlatu ämeren birüen citkerde.

AQŞ Milli iminlek kiñäşçese Robert O’Brien, Çili tışqı êşlär ministrı, Awstriya ilbaşı, Niderland prem’yer-ministrı, Kosova däwlät başlığı, Albaniya ilbaşı, Xorvatiya xökümät räise, Franŝiya tışqı êşlär ministrı, Germaniya, Angliya, İtaliya, İspaniya, Şveŝiya Êstoniya, Gruziya tışqı êşlär ministrları şulay uq teläktäşlek yullamaların yasadı.