"Krizisnı beterergä waqıt citte"

Törkiyä ilbaşı Räcäp Tayyip Ärdoğan İstanbuldağı Dolmabahçe ofisında Törkiyä Böyek Millät Mäclese räislege kertkän öleş belän İstanbul Universitetı häm Marmara Universitetı tarafınnan oyıştırılğan Tarix, säyäsät häm illärara mönäsäbätlär cähatennän “Xalıqara diñgez xoquqı häm Könçığış Urta diñgez simpoziumı”nda kiçä Azärbaycan cirlärenä höcüm itkän Ärmänstannı tağın ber tapqır ğayepläwen açıqlap: “Törkiyä barlıq mömkinlekläre belän häm çın yöräktän dus häm qardäş Azärbaycan yanında bulaçaq. Ärmänstannıñ yawlap alğan Azärbaycan cirlärennän kitüe belän töbäktä qabat tınıçlıq häm xozur urnaşaçaq.

Töbäktä Tawlı Qarabaxnıñ yawlap alınuı belän başlanğan krizisnı beterergä waqıt citte. Barlıqqa kilgän soñğı täraqqıyät’lär töbäkkä täêsire bulğan barlıq illärgä çınlıqçı häm ğadel çişeleş ısulların ğamälgä kertü mäs’äläsendä forsat birä. Bu forsatnı bäyäläwlären ömet itäm,” – dide.

Ärdoğan Amerika, Rusiyä, Franŝiyaneñ 30 yıl buyı problemanı çişä almawın belderep tübändägeçä citkerde: “Bu problemanı çişmäs öçen qullarınnan kilgänne başqadırlar kebek alar. Xäzer isä aqıl birälär, qayçaq yanawlar da işetelä. Närsä soñ bu? “Törkiyä mondamı? Törek ğaskäriye mondamı?” diyüçelär kön’yağıbızda ayıruça Süriyäneñ tön’yağında meñnärçä yök maşinasına qoral töyäp, taşıdılar. Süriyäneñ tön’yağında bazalar qordılar, koaliŝiya köçläre belän Süriyädä berläştelär. İlham Aliyev qardäşebez xisap birergä mäcbür tügel, bolay da 30 yıl tiräse gel sezgä xisap birde. “Bu êşne beterik. Ozaqqa suzmıyq” didelär. Kemneñ cirläre yawlap alındı soñ? Azärbaycannıqı. Monı barığız da qabul itäsez. Tawlı Qarabaxnı qabul itäsez. Mondağı keşelär 1 millionnan artıq cirlärendä yäşi almıy. Yawlawçılar isä anda. Monıñ xisabın berkem dä soramıy.”