Azärbaycan güya saylawnı gäyıpläde

Azärbaycan tışqı êşlär ministrlığınnan yasalğan yazmaça belderüdä Qarabaxtağı güya rejimnıñ "ilbaşı saylawı" iseme astındağı êşçänlege belän Azärbaycan töp qanunı (Конституциясе) belän xalıqara xoquq qağıydäläreneñ bozıluı iskärtelep uzıldı.

Belderüdä Azärbaycannıñ suveren cirlärendä Ärmänstannıñ yärdäme belän buldırılğan rejim tarafınnan yasalğan adımnarnıñ bernindi yuridik nigezeneñ bulmawına basım yasaldı.

Başqarılğan ğamälneñ töbäktäge cayğa salu barışına häm Azärbaycan xökümäteneñ Qarabaxtağı ärmännärneñ Azärbaycanğa yañadan integraśiyası (интеграциясе) tırışularına citdi zıyan kiterüe añlatılğan belderüdä güya saylawnıñ Ärmänstannıñ häm buldırğan güyä rejimnıñ tınıçlıq barışın yaqlamawın, näq kiresençä wazğıyätne kiyırenke qılu yulınnan baruın bilgele itüe äytelde.

Belderüdä: “Töbäktä tınıçlıq häm totrıqlılıq urnaştırunıñ berdänber yulı – ärmän qorallı köçläreneñ Azärbaycannıñ Qarabax töbägennän şartsız räweştä häm tulısınça çigenüe häm güyä rejimnıñ tarqatıluı. Azärbaycan xalıqara cämäğätçelekneñ böten äğ’zalären Azärbaycannıñ suverenlığına häm cir bötenlegenä qarşı yasalğan adımnarğa qarata döres säyäsi bäyäläw yasarğa, Ärmänstannıñ bu adımnarın yasawın totqarlaw öçen täêsirle çaralarnı kürergä, “saylaw” iseme birelgän şuşı qanunsız êşçänlekne kisken räweştä gäyıplärgä çaqıra", - dip basım yasaldı