Qırğızstanda törek tabiblärenä büläk

Qırğızstan sälamätlek saqlaw ministrı Alımkadır Bäyşänaliyev başqala Bişkäktäge Qırğız-törek duslığı däwlät xastaxanäsendä täwge tapqır yasalğan bawır küçerü operaśiyäsendä qatnaşqan İnönü universitetı tabiblären büläkländerde

2152680
Qırğızstanda törek tabiblärenä büläk

Qırğızstan sälamätlek saqlaw ministrlığınnan yasalğan belderügä kürä, Sälamätlek saqlaw ministrı Alımkadır Bäyşänaliyev Törkiyäneñ İnönü universitetı qarşındağı Turgut Özal isemendäge mediśina üzägeneñ bawır transplantaśiyäse institutınnan Bişkäkkä kitep bawır küçerü operaśiyäsendä qatnaşqan tıyb-mediśina wäkillege belän küreşte.

Bäyşänaliyev Bawır transplantaśiyäse institutı mödire urınbasarı dośent doktor Volkan İncägä, ğomumi xirurg dośent doktor Kemal Barış Sarıcığa, anesteziolog doktor Duygu Dämirozğa, şäfqat’ tutaşı Äminä Ärik häm Äcä Taştanğa ministrlıqnıñ Sälamätlek saqlaw xezmätendä qamillek ordenın tapşırdı.

Bawır küçerü ölkäsendä kiñ täcribägä iyä törek belgeçläre belän xezmättäşlekneñ ähämiyätenä iğ’tibarnı yünältüçe Bäyşänaliyev törek tabiblärenä räxmätlären citkerde.

Bäyşänaliyev operaśiyäneñ ilendä mediśina ölkäsendäge möhim adım buluın häm bawır küçerügä ixtıyacı bulğan xastalar nisbätennän bik zur ähämiyätkä iyä buluın bilgeläp uzdı.

Qırğızstan ministrı Qırğız-törek duslığı däwlät xastaxanäsendä tüläwsez mondıy operaśiyälärneñ däwam itäçägen äytte.



Bäyläneşle xäbärlär